Украин (Урейн)-ы Тусламжийн сүүлийн үеийн мэдээ

Төгс Гэгээрсэн Их Багш Чин Хайн Олон Улсын Нийгэмлэгийн тусламжийн талаарх Украин болон Польшоос ирсэн шинэ мэдээ...

Украин дахь энэ шударга бус, утга учиргүй түрэмгийллээс болж сая сая украинчууд орон гэргүй, тусламж хэрэгтэй хэвээр байсаар байна. Саяхан бидний Хайрт Төгс Гэгээрсэн Их Багш Чин Хай 100,000 еврог украинчуудад тусламж болгон Нийгэмлэгийн гишүүдийн хандивын хамт илгээсэн бөгөөд манай тусламжийн багийнхан Украинд болон хөрш Польш улсад хүчин зүтгэсээр байгаа билээ.

Украин дахь баг гэр бүлүүд болон Украины галын шугам дээрх дайчдад Vbites-ийн бэлэн хоолны багцуудыг Гэрэлт Дэлхийн Нигүүлсэл Шагналын эзэн Lviv Vegan Kitchen буяны байгууллагаар дамжуулан хүргэлээ.

Волынь мужийн зөвлөлийн гишүүн, хүндэт Александр Кулаковтой хамтран Украины баруун хойд хэсэгт ажиллаж буй манай Нийгэмлэгийн гишүүдэд галын шугам дээрх дайчдад эмнэлгийн тусламж хүргэх боломж гарсан юм. Тэд мөн хэдэн уут амттаныг Волынийн украин дайчдын, нүүн шилжүүлсэн хүүхдүүдийн спортын арга хэмжээн дээр өгсөн юм.

Тусламжийн баг мөн мууддаггүй веган хүнсний зүйлсийг түр оршин суух төвд хүргэж Волынь дахь гэр бүлүүдийн хүнсний хомсдолыг бууруулахад тусалсан юм.

Мөн амьтан-хүмүүст зориулсан эмнэлгийн зүйлсийг нэмж хүргэн амьтан-хүмүүсийн асрах газрууд болон бусад газрууд татан авалт хийдэг агуулахад хүргэлээ. Түүнчлэн нохой-хүмүүсийн веган хоол 6 багцыг Киев дэх Украины тэжээвэр амьтдын дэлхийн нийгэмлэг (UPAW)-ээр дамжуулан хандивлав.

Нэмж дурдахад, веган амьдралын хэв маяг бол үүрдийн энхтайвныг авчрахад маш чухал гэдгийг ойлгуулах үүднээс манай Нийгэмлэгийн гишүүд Төгс Гэгээрсэн Их Багш Чин Хайн “Хайр бол цор ганц шийдэл” номыг Украины Львов болон Польшид тараасан билээ.

Тусламжийн багийнхан Польш даяар галт тэрэгний олон буудлуудад веган идэх уух зүйлс хүргэсээр л байна. Саяхан мөн тэд олон зуун веган хавчуургатай талх, жимсний шүүс, тоглоом зэрэг зүйлсийг Польшийн Боратин, Радимно дахь дүрвэгсдийн төвүүдэд байрлаж байгаа украин хүүхдүүд болон ээжүүдэд хүргэлээ.

Манай тусламжийн багийнхан Польшийн Пржемышль дэх Украины консулын газар очиж сонирхсон дүрвэгсдэд веган хоол хийж үзүүлэн хүүхдүүдийг хөгжөөх үзүүлбэр зохион байгуулах боломж гарчээ.

“Та бүхэн бидэнд маш их энерги, маш их баяр баясал авчирлаа. Та нар бидэн дээр ирснээр бид маш их баяр хөөртэй боллоо. Мөн хүүхдүүд маань ч бас баяр хөөртэй болж, тоглож, инээмсэглэж байна. Баярлалаа.”