Авшиг хүртэх нь үнэхээр Бурханы бүтээсэн зүйл болж, Гэртээ харих боломж олгодог.

Одоо Коста Рикагийн Аланагаас илгээсэн захидлыг хүргэе:

Хайрт, Эрхэм Хүндэт Төгс Гэгээрсэн Их Багш Чин Хай, Сүнснийхээ гүний гүнээс Тандаа хамгаас Хайр дүүрэн, Нигүүлсэнгүй Их Багш байдагт үүрд талархаж явдгаа илэрхийлмээр байна. Өнөөдөр би эх хүний хувьд маш их сэтгэл хөдөллөө. Арван гурван жилийн тэртээ би 26 настай байхдаа (4 ба 5 настай) хоёр бяцхан охидтойгоо Коста Рика дахь бясалгалын Төвд Арьяабалын номын цогцод орсон. Ням гараг бүр холоос би тэдэнтэй хамт автобусаар явдаг байлаа. Би Үнэнийг мэдэхээр цангаж, Арьяабалын Аргад орох Ариун Авшгийг хүсэн хүлээж байсан бөгөөд Та миний агуу Үнэн, оюун санааны урам зориг болсон билээ. Би энэ хорвоогийн олон хүний нэгэн адил хүмүүний гэрт, хайр, ойлголцол дутаж өссөн гэж хэлж болно. Гэхдээ Тантай учирснаас хойш бид дахин ганцаардаагүй, хайр халамжаар дүүрэн, хамгийн азтай эмэгтэй гэдгээ мэдэрч яваа.

Тэр үед би авшиг хүртэхээ бараг хоёр жил хүлээсэн бөгөөд энэ хүлээлтийн хугацаанд Та үргэлж дотоодын ахуй ойлголтуудаар дамжуулан надад халамж, мэргэн ухааныг өгдөг байлаа. Би авшиг хүртэж, аль болох хурдан охид маань хагас авшгаа авсан. Одоо тэд 16, 12 настай, үнэнч, дуулгавартай, хайр дүүрэн, биеэ зөв авч явдаг залуу авхай нар болсон. Би тэднийг Таны сургаалаар чиглүүлэн өсгөсөн. Миний зүрх сэтгэлдээ хамгийн их хүсэж байсан зүйл бол хоёуланг нь бүрэн авшигтан болохыг харах байв. Тэдний сүнс бидний Хайрт Их Багштай үүрд нэгдэж, сүнсээ гэтэлгэхийн тулд оюун санааны бясалгалын гол цөмд амьдралаа цогцлоож чадна гэдгийг мэдэх нь ээж хүний хувьд миний хамгийн их тайвшрал юм. Энэ мөрөөдлийн нэг нь биеллээ. Бага охин минь Их Багшийн Ивээлээр бүрэн авшиг хүртсэн юм. Бид гурвуулаа Таны хайр дүүрэн халамжид үүрд талархан маш их баярлаж явна.

Бид Таных, Хайрт Их Багш минь. Энэ Адислалын утга учрыг илэрхийлэх гээд бичих гэхээр надад илэрхийлж дийлэх үг үнэндээ орж ирэхгүй байна. Арьяабалын Элч Багшийг ийш илгээсэн Тандаа баярлалаа. Шавь нэг бүрээ халамжлах гэсэн асар их чармайлтад Тань баярлалаа. БҮХ ЗҮЙЛИЙН төлөө Тандаа баярлалаа.

Та минь үргэлж хамгаалагдсан байж, тэгш дүүрэн амар амгалан, эрүүл энх оршиг. Амен. Та бол хамгийн зөөлөн сэтгэлт, хамгийн цэвэр ариуун Хайр. Бид Тандаа хайртай. Бүхнийг Чадагч Бурханд баярлалаа. Хайр, хүндлэлийн хамт Таны шавь Алана Коста Рикагаас

Чин үнэнч Алана, Хайр дүүрэн захидал илгээсэнд баярлалаа.

Их Багш чин сэтгэлийн хариу илгээлээ: “Хайрт Алана, өө, би гурвууланг чинь тэврэх юм сан. Дэлхийд төрөл авсан Диваажингийн хайрлам Сахиусан Тэнгэрүүд минь, Бурханы Ивээлээр та нарын зөвлөгч байх нь хүндтэй хувь юм. Та нартаа үүрд мөнх хайртай! Та болон таны охид Бурханыг чин сэтгэлээсээ хүсэмжилсэн хүсэл Арьяабалын Аргын авшиг хүртэх боломж олгож, үүний хэчнээн нандин бэ гэдгийг чин сэтгэлээсээ ойлгоход тусалжээ. Авшиг хүртэх нь үнэхээр Бурханы бүтээсэн зүйл болж, Гэртээ харих боломж олгодог. Тасралтгүй сүнслэг дадал бясалгал хийснээр гэр бүл тань бүхэлдээ Бурханы хязгааргүй Хайраар дүүрэн сайн сайхан амьдралтай байж чадна. Та болон Коста Рикагийн баясгалант ард түмэн Бурханы Ивээл дор Бурханы Баяр хөөрийг үүрд эдлэх болтугай. Бүгдэд нь хайртай шүү.”