Бүх Веганчуудын Мэдэх Хэрэгтэй Витамин В12

“Бүх Веганчуудын Мэдэх Хэрэгтэй Витамин В12” нэртэй өнөөдрийн нэвтрүүлгээр бид амин дэмүүдийн талаар, тэдний бие махбодод гүйцэтгэдэг амин чухал үүргийн талаар мэдэж авах болно. Түүнчлэн веган хүмүүст онцгой чухал амин дэмийн нэг болох: В12 амин дэмийг танилцуулах болно.

Хүний бие махбодын нийлмэл, нарийн бүтэц нь дэлхий дахины эрдэмтдийг гайхашруулж, сонирхлыг нь үргэлжлүүлэн татсаар байгаа билээ. Молекул тус бүрээс эхлээд ДНХ-ийн утаслаг хүртэл, эсээс эхлэн эрхтэн хүртэлх тэдгээрийн бүтэц нь жинхэнэ гайхамшиг юм. Хүнд амин чухал таван үндсэн эрхтэн бий: мэдрэлийн систем (тархи), зүрх судасны систем (зүрх), амьсгалын эрхтэн систем (уушги), элэгний систем (элэг) болон бөөрний систем (бөөр). Эдгээр эрхтэн системүүд нь хоорондоо нягт уялдаатайгаар зохицон ажилладаг. Тэд зохистой үйл ажиллагаа явуулахын тулд хүчилтөрөгч ба зургаан үндсэн шим тэжээл, тухайлбал, нүүрс ус, уураг, өөх тос, витамин, эрдэс бодис болон уснаас хамааралтай байна.

Амин дэмүүд нь биеийг эрүүл байлгахад үндсэн гол үүргийг гүйцэтгэдэг. Одоогийн байдлаар дэлхийд 33 витамин танигдаад байна. Тус бүрийнх нь үндсэн үйл ажиллагааг нарийвчлан авч үзье:

А амин дэм

А амин дэмийг нүд, арьсны эмгэг, батга болон халдварыг эмчлэхэд ашигладаг. Түүнчлэн шархны эдгэрэлтийг түргэсгэх нөлөө үзүүлнэ. Нүдний эвэрлэг бүрхэвчид толбо үүсэх, нүдний болор цайхаас урьдчилан сэргийлнэ. Каратиноидын хувьд энэ нь үсийг тань эрүүл байлгана.

В1 амин дэм

В1 амин дэм буюу тиамин нь зүрхний эмгэгээс сэргийлж, хоол боловсруулалтыг дэмжинэ. Берибери (тиамины дутагдал) бол В1-ийн хэрэглээ хангалттай бус байснаас үүдсэн өвчин юм. Энэ нь бодисын солилцоог өргөн, цусны эргэлтийг сайжруулж, тархинд тустай нөлөө үзүүлнэ. Тус амин дэм нь В2 ба В3 амин дэмийн хамт тэнэгрэл өвчин тэр дундаа Альцгеймерын өвчтэй болох эрсдэл бүхий өндөр настай хүмүүст маш чухал хэрэгтэй юм.

В2 амин дэм

В2 амин дэм буюу рибофлавин нь нүдний болор цайх, арьсны эмгэг, цус багадалтыг эмчлэхээс гадна бодисын солилцоо, дархлаа болон мэдрэлийн системийн үйл ажиллагааг сайжруулна.

В3 амин дэм

В3 амин дэм буюу ниацин нь сульдаа, хоолны боловсруулалт муудах, арьсны эмгэг, мигрень, зүрхний эмгэг, цусны даралт ихсэх, холестрины түвшин нэмэгдэх, чихрийн шижин, суулгалтад ач тустай.

В5 амин дэм

В5 амин дэм буюу пантотены хүчил нь стрессийг бууруулж, артирит, олон төрлийн халдварууд, арьсны эмгэг, үс цайх, холестрины түвшин өндөр байхад тустай нөлөө үзүүлнэ.

В6 амин дэм

В6 амин дэм нь магадгүй чихрийн шижин, шамбарам, таталт, жирэмсний эрт үеийн хордлого, сарын тэмдгийн үед их хэмжээгээр цус алдах, стресс ба хөдөлгөөний эмгэгийг эмчлэхэд хэрэглэнэ. В6 нь биен дэхь гомоцистейны хэмжээг бууруулна Гомоцистейн, амин хүчлийн түвшин өндөр байх нь зүрхний титэм судасны өвчлөлд хүргэнэ.

В7 амин дэм

В7 амин дэм буюу биотин нь арьсны эмгэгийг эмчлэн, бодисын солилцоог сайжруулан, үсийг эрүүл байлгах нөлөөтэй.

В9 амин дэм

В9 амин дэм буюу фолийн хүчил нь цус багадалт, ходоодны хямрал, целиакийн өвчин, нярайн тархины хэвийн бус хөгжил, арьсны эмгэг ба тулай өвчний эсрэг хүчирхэг багаж юм. Энэ нь улаан эсийн үүсэлтийг нэмэгдүүлнэ. Жирэмсэн эмэгтэйчүүд хүүхдийн мэдрэлийн нугас судасны гаж хөгжлөөс сэргийлэхийн тулд зохих хэмжээгээр хэрэглэхийг зөвлөдөг. В9 нь гомоцистейны түвшинг бууруулахад үр дүнтэй болохыг саяхан тогтоожээ.

В12 амин дэм

В9 амин дэм нь цус багадалтын гаж нөлөө болон элэг бөөрний эмгэг, амны шархлааны шинж тэмдгийг бууруулдаг байна. В12 амин дэмийг зохистой хэмжээний В6 ба В9 витаминтай хамт хэрэглэснээр олон төрлийн зүрхний өвчлөл болоод цус харвалтаас сэргийлж чадна. Бид хөтөлбөрийнхөө төгсгөлд В12-ийн гайхалтай нөлөөний талаар нарийн хэлэлцэх болно.

С амин дэм

С амин дэм нь олон төрлийн нүдний эмгэг, хавдар, чийг бам, ханиад томуу, халдвар, чихрийн шижин, стресс, холестрины түвшин өндөр байх, зүрхний өвчлөл, өндөр цусны даралт, бөөрний эмгэг, дотуур цус алдалт, шамбарам, эвэрлэгийн шархлаа, үрэвсэл болон хар тугалганы хордлогыг эмчлэхэд тустай.

Дархлалын системийг сайжруулдаг С амин дэм нь сүүлийн жилүүдэд тэнэгрэл болон тархины судасны эмгэгийг саатуулах боломжтой болохыг олж нээгээд байгаа юм. Хамгийн хүчтэй, чухал антиоксидантын нэг

D амин дэм

D амин дэм нь рахит, артирит, шүд цоорох өвчин, чихрийн шижин болон ясны сийрэгжилтээс сэргийлнэ. Тус амин дэм нь ясны эдгэрэлтийг түргэсгэх, дархлааны сиситемийг сайжруулах ба цусны даралтыг бууруулах гайхалтай нөлөөтэй. D амин дэм нь олон төрлийн хавдрын эсрэг үр дүнтэй нөлөө үзүүлэх бөгөөд ясны үрэвсэлээр шаналж буй өвчтөнийг ясны төрөл бүрийн хатингаршил болохоос сэргийлнэ.

Е амин дэм

Е амин дэмийн хөгшрөлтийн эсрэг шиж чанартай тул арьс арчилгааны бүтээгдэхүүн хийхэд хэрэглэдэг. Энэ нь цусны эргэлтийг сайжруулах бөгөөд зүрхний эмгэг болон үргүйдлийн эсрэг үр нөлөөтэй. Түүнчлэн цэвэршилтийн үеийн шинж тэмдэг ба сарын тэмдгийн үеийн өвдөлтийг бууруулна. Зарим нүдний эмгэгийн үед ач тустай.

К амин дэм

OrganicFacts.net сайтад мэдээлснээр, “К амин дэм нь дотуур цус алдалт, цөсний бөглөрөл, ясны сийрэгжилт, сарын тэмдэг их хэмжээтэй ирэх, ба сарын тэмдгийн өвдөлт зэрэгт маш чухал сайн нөлөөтэй. Түүнчлэн цус бүлэгнэлт, ясны солилцоо, мэдрэлийн дамжуулалт зэргийн үйл ажиллагааг сайжруулж, судасны хатуурал ба бөөр чулуужихаас сэргийлэх тустай.” хэмээжээ.

В12 буюу коболамин нь бүх эсүүдийн генетикийн материал болох ДНХ үүсэхэд оролцох мөн мэдрэлийн болоод цусны эсүүдийг эрүүл байлгадаг усанд уусдаг шим тэжээл юм. Өөрийн нас, идэх онцлог болон жирэмсэн эсвэл хөхүүл эсэхээсээ хамааран өдөрт В12 амин дэмийг зохистой хэмжээгээр хэрэглэх шаардлагатай.

Санал болгох зөвшөөрөгдсөн хэмжээ нь нярайд 0,4 микрограмаас насанд хүрэгчдэд 2,4 мкг хүртэл юм. Жирэмсэн ба хөхүүл эмэгтэйчүүд бага зэрэг илүү хэрэглэнэ. Гэвч эдгээр санал болгож буй нь бууруулсан хэмжээ гэдгийг анхаарах хэрэгтэй. Энэ нь дутагдлаас сэргийлэхийн тулд биед хэр их шим тэжээл шаардлагтай болохыг уламжилсан хэмжээ юм. В12 гэх мэт усанд уусдаг амин дэмийн хувьд тэд эрүүл насанд хүрсэн хүмүүст асуудал, өвчлөл үүсгэх магадлал багатай тул хэрэглээг хязаарлахгүй. Хэрэв бие махбодын шаардагдах хэмжээнээс хэтэрсэн В12 хэрэглэвэл, түүний илүүдэл нь шээсээр дамжин гадагшлах болно.

В12 амин дэмийг бичил биетнээс гарган авдаг. Голын усны бактери ба кобальтаар баялаг хөрснөөс авсан угаагаагүй хүнсний ногооноос хүн В12-ийн хэрэгцээгээ хангадаг байв. Харин өдгөө бид ихэвчлэн хлоржуулсан ус ууж, бүтээгдэхүүнүүд маань ерөнхийдөө идэхээс өмнө угаагдсан байдаг болсон. 1944 онд байгуулагдсан , Их Британид байрлах алдартай веган өмгөөллийн байгууллага болох Веган Нийгмийн мэдээлснээр, хамгийн баталгаатай веган В12-ийн эх сурвалж бол В12-р баяжуулсан хүнс (зарим ургамлын сүү, шар буурцгийн бүтээгдэхүүн, овъёос) ба В12-н нэмэлт хэмээн мэдэгджээ. Зарим веган хүмүүс цус багадалт ба мэдрэлийн системийн гэмлтээс сэргийлэхийн тулд хангалттай В12 хэрэглэдэг боловч ихэнх нь зүрхний өвчлөл болон жирэмсний хүндрэлийн эрсдлийг бууруулах хангалттай хэмжээгээр хэрэглэхгүй байна. Веган Нийгэм хэлэхдээ, эрүүл ургамалд суурилсан хооллолтыг барихын тулд веганчуудад 3 сонголт бий:

- “Өдөрт дор хаяж 3 микрограм В12-той баяжуулсан хүнсийг 2 эсвэл 3 удаа идэх, эсвэл - Өдөрт дор хаяж 10 микрограм В12 авахын тулд нэг ширхэг В12-н нэмэлт хэрэглэх, эсвэл - Дор хаяж 2000 микрограм авахаар долоо хоног тутамд В12-н нэмэлт хэрэглэх.” гэжээ.

Хэрэв витамин В12-н хэрэгцээгээ та үндсэндээ баяжуулсан хүнснээс авдаг бол өөрийн хооллолтод тань тохирох хангалттай В12 байгааг нягтлан шошгыг сайтар уншаарай. Веган Нийгмээс хэлэхдээ, “ Хэрэв баяжуулсан ургамлын сүүний нэг бүтээгдэхүүн бүр нь 1 микрограм В12 агуулдаг бол 3 ширхгийг өдөрт хэрэглэхэд та өдрийн В12 амин дэмийн хэрэгцээгээ хангаж чадна. Магадгүй зарим хүмүүсийн хувьд В12-ын нэмэлт бүтээгдэхүүн хэрэглэх нь эдийн засагт нь хэмнэлттэй байж болно.

В12-г бага багаар, ойр ойрхон хэрэглэх нь биед тань түүнийг шингээхэд хамгийн тохиромжтой байдаг. Хэрэв хэрэглээнийхээ хооронд урт завсарлавал та илүү их В12 хэрэглэх шаардлагатай. Веган Нийгмээс санал болгосон өмнө нь дурдсан гурван сонголтоос энэ талаар бүрэн мэдэж болно. Санал болгосон хэмжээнээс илүү ихийг эсвэл нэг сонголтоос илүүг хэрэглэхэд ямар нэг хор нөлөөгүй.

Хэрэв та В12 амин дэм хангалттай авч чадахгүй бол юу болох вэ? Дунд зэргийн дутагдал нь эхэндээ шинж тэмдэг өгөхгүй байж болох юм. Хэрэв эмчлэхгүй бол насанд хүрэгчдэд бие сулрах, гар хөл бадайрах, хөших, өвдөх болон тааламжтай мэдрэмжүүд алдагдах нүд бүрэлзэх, хэвийн бус алхах, хэлний өвдөлт болон сэтгэцийн асуудлууд болох сэтгэл гутрал, мартамхай болох, зан авир өөрчлөгдөх зэрэг В12 дутагдлын ерөнхий шинжүүд илэрнэ.

В12-ын дутагдал нь илрэх хүртлээ сар эсвэл жил болж болох бөгөөд В12-ыг хэрэглэсний дараа ихэвчлэн эмчлэгддэг өвчин юм. Хэрэв та өөрийгөө дутагдалд орсон хэмээн сэжиглэж байгаа бол эмчид очиж онош тогтоолгох хэрэгтэй. Учир нь эдгээр шинж тэмдгүүд нь В12-ын дутагдлаас гадна өөр бусад өвчний шинж тэмдэг байж болно.