Дэлгэрэнгүй
Татаж авах Docx
Дэлгэрэнгүй уншаарай
Энэ үзэл санаа төрсөн цагаас нь л байсан болохоор хүмүүс тийм хурдан, амархан өөрчлөгдөж чаддаггүй. Тэднийг би буруутгахгүй ээ, Эзэн Бурхан минь. Би гагцхүү тэдэнд туслах хангалттай арга зам байхгүйд л харамсаж байна. Бид аниргүйгээр тэдэнд жаахан тусалж чадах хэдий ч тэд өөрсдөө гэгээрч, Бүхнийг Чадагч Бурхан Таныг таньж мэдэхэд, мөн Таны тэдэнд бүтээж өгсөн үзэсгэлэнт бүх ертөнцийг үзэхэд нь тусалж чадна гэсэн үг биш юм. Мөн тэд энэ насандаа хүртэл хэдийнээ тун их, маш их баяр жаргалтай байх байсан.Би Суприм Мастер Телевизээрээ чадах бүхнээ маш уйгагүй зүтгэн хийж байна. Ингэснээр энэ нь хаа нэгтээ байгаа хэн нэгнийг, үр хүүхдүүдийн Тань заримыг сэрээх юм уу хэцүү цагт нь бага ч гэлээ туслах болно. Ялангуяа энэ Төгсгөлийн үед!Ганц хүн хэр ихийг хийж шалих билээ. Гэхдээ би Танд мөн сахиусан тэнгэрүүдийг, миний хүрээллээс гадуур ажилладаг эрхэм ариун төрөлтнүүдийг илгээсэнд талархъя. Тэд хүүхдүүдэд, өнчрөгсдөд, амьтан-хүмүүст, дайны хохирогсдод туслах зэрэг ажил хийж байгаа ч хангалтгүй байна. Энэ дэлхий бол Диваажин биш, Бурхан минь. Энэ дэлхий хагас там бөгөөд хүмүүс энэ дэлхийн эрчим, харанхуй байдалд нь маш гүн хорджээ. Тэднийг сэрээх маш хэцүү.Би аль чадахаараа хийдэг, надад шавь нар байдаг хэдий ч тэднийг би тэр бүр олж хардаггүй. Яагаад гэвэл дэлхий найман тэрбум хүнтэй байхад би хэчнээн шавьтай билээ дээ? Та мэдэж байгаа. Таныг шүтдэг миний шавь нар найман тэрбум, түүнээс ч олон байсан ч болоосой! Хамаг төрөлтөн гагцхүү Таныг л шүтэх ёстой юм сан! Сүүлийн үед хүмүүс интернэтэд юу байгааг шалгачих маш дөхөм хэрэгслүүдтэй болж. Тэднийг сайн зүйлд ч, муу зүйлд ч дэгээдэх олон зүйл байна! Тиймээс бид Суприм Мастер Телевизийг гаргахын тулд чадах бүхнээ хийж байна.Надад хүн хүч хэзээд хангалттай байдаггүй, эрхэм Бурхан минь. Эрхэм Та үүнийг мэднэ. Яагаад гэвэл тэд бүгд ертөнцийн ажлаа хийж, амьжиргаагаа залгуулан, хүний дайтай явах гэж мэрийгээд завгүй байдаг. Иймд тэд цаг зав маш багатай бөгөөд гэр бүлдээ, бизнестээ, ажилдаа, үр хүүхдэдээ анхаарах хэрэгтэй байдаг, бас хүүхдүүд нь нэмээд хүүхэд аваад ирдэг, бас... Тэдний хүүхдүүд ач зээг нь төрүүлээд эцэс төгсгөлгүй байдгийг Та мэднэ. Эцэс төгсгөлгүй. Хүүхдүүд нь өсөж том болоод тэд тэтгэвэрт гарсан байлаа ч хүүхдүүд нь ажиллана гээд, амралтад явна гэх мэтчилэн янз бүрийн зүйл хийх болоод тэд ач зээгээ асрах хэрэгтэй болно. Бас мэдээж өвөө эмээ нар үүндээ, ач зээтэй байх дуртай байдаг. Дараа нь цэцэрлэгээ арчлах, эсвэл далайн эргээр алхах, амралтаар явах, найз нөхдийндөө зочлох, хүүхдүүдтэйгээ уулзах, хүүхдүүд нь зочлон ирэх болдог. Та үүнийг харж байгаа. Хаа сайгүй тун чиг завгүй. Надад тийм олон ажилтан байхгүй. Хүсэж буй шиг минь олон биш. Чин сэтгэлтэй багийн гишүүдтэй байдагтаа Танд талархаж байна. Тэдэнд амарч бясалгах боломж, цаг илүү байдаг ч болоосой гэж хүсэх юм. Тэднийг хайрлаж бас өрөвдөх юм. Тэднийг ивээнэ үү, Эзэн минь.Иймд Та намайг маш шаргуу ажилладгийг, тэр Тран Тамыг мэдээгүй байсныг ойлгоно байх. Зөвхөн өөрийн ажлаа хийгээд тун завгүй тул хэн юу хийж байгааг огт мэдэхгүй. Та мэдэж байгаа, Бурхан минь. Та мэднэ. Танаас эмээдэг тул ямагт Танд үнэнийг хэлдгийг минь мэдээж Та мэдэж байгаа. Айдас хүйдэстэй адилаар эмээдэггүй. Та бүхнийг мэдэж байдаг гэх гэсэн юм. Мөн үүнээс гадна энэ Ертөнц ил тод, тунгалаг бөгөөд бидний хийж байгаа бүхэн бүгд бичигддэг, бүгд харагдаж, сонсогдож, танигдсан байдаг. Зарим мунхаг төрөлтөн л үүнийг ойлгодоггүй бөгөөд бүх чөтгөр үүнийг үл ойшоодог. Яагаад гэвэл тэд өөрт байгаа өчүүхэн хүчээрээ үүрд амьдарч чадна гэж боддог. Ай, нэг л өдөр тийм биш гэдгийг тэд мэдэж авах болно. Тэднийг ч бас битгий буруутгаарай, эрхэм Бурхан минь. Магадгүй тэд хэн нэгэнд сайнаар нөлөөлж, тэдний Бурханд итгэх итгэлийг, дотоодын гэгээрлийг нь шалгаж, тэдний цэвэр ариун байдлыг далд ухамсарт нь, сүнсэнд нь, оюун ухаанд нь шалгаж, тэд муу, сайныг ялгаж салган, Бурханд итгэдэг хэвээр байж, Бурханаас замчлаач хэмээн гуйж залбиран, Бурханд найдаж, мөн байгаа бүх зүйлдээ Бурханд талархахад нь тустай байж магадгүй юм. Тэд төөрөлдсөн төдий л юм.Биднийг өршөөж хайрла, Эзэн Бурхан минь. Тэднийг өршөө. Хэрэв хэн нэгнийг буруутгах ёстой болбол намайг л буруутга. Учир нь надад хангалттай хүч чадал байсангүй, надад хангалттай чадвар байсангүй, үр хүүхдэд Тань нэг бүрчлэн ятгаж итгүүлэн, эргээд Таныг санаж чадахуйц ажиллах хангалттай цаг байсангүй. Намайг л буруутга, Эзэн Бурхан минь. Хүмүүс болон бусад төрөлтнүүдийн төлөө харамсаж, тэднийг өрөвдөх юм. Амьтан-хүмүүс бүх зүйлийг ойлгож байдаг. Зэрлэг амьтан-хүмүүст хүртэл туслах юм бол тэд сэтгэлдээ өртэй гэж санаж, эцэс төгсгөлгүй талархал тээж явдаг. Жишээлбэл: Миний энд тэнд боломжтой бүрдээ тэжээж байсан үнэг-, шувуу-хүмүүс байна. Тэднийг үргэлжлүүлэн тэжээж чадаагүйдээ би тун их харамсдаг. Мөн би тэднээс үргэлж уучлал гуйн, хайраа илгээдэг. Өчүүхэн жаахан зүйлийг ч тэд огт мартдаггүй.Хүмүүс яагаад ийм сохор, дүлий, оюун санааны эрчим, сүнслэг мэдлэгт дүлий байдгийг мэдэхгүй юм. Та ч гэсэн зөвхөн Дэлхийн тухайд гэхэд л Өөрийн Хөвгүүд, Төлөөлөгчдөө Дэлхий рүү ганцаар нь илгээсээр л байх ёстой болсон. Маш олныг илгээсэн ч Тэд хүмүүсийг бүгдийг нь сэрээгээгүй л байна. Тэгээд тэд тамын галд, өө, тамд маш хүндээр шийтгүүлж байгаа бөгөөд би ч тийш тэр бүр харж зүрхэлдэггүй. Яагаад гэвэл би тэдний асар их өвдөлт шаналлыг авч, мэдэрч маш их зовдог учраас тэр л дээ! Амьтан-хүмүүсийг асар хүндээр тамлуулж, зовж, дайнд хүмүүс, гэм зэмгүй хүүхдүүд хохирч байгааг хараад, нялхас бүр хэвлийд байхдаа хохирч байгааг хараад дэлхий дээрх тамд би хэдийнээ маш их зовлоо. Харгис дайнуудад хүүхдүүд болон насанд хүрэгсэд эд эрхтнээ алдан тахир дутуу болж, царайлаг залуу эрчүүд, эмэгтэйчүүд мөчөө алдан, харьж байна. Эхнэр хүүхдээ харж хандахад хэцүү болчихсон гэсэн үг. Эцэг эх нь хүүхдүүдээ дайнаас эргэн ирэхэд тэд дайнд галзуурснаасаа болж, урьд нь харж байсан бүхнээ алдаж, оюун ухаанаа алдаж, хэвийн зан байдлаа алдаж, буруу зүйл хийж байхыг харах ёстой болно. Энэ бүхнийг... би тоочиж барахгүй, хэзээ ч тоочиж дуусахгүй.Эрхэм Бурхан минь, энэ бүгдийг Та мэдэж байгаа. Танд үргэлж энэ бүхнийг хэлдгээ би мэднэ. Намайг уучлаарай. Та бүгдийг мэднэ. Хэтэрхий их ярьж байгааг минь өршөөж үзээрэй. Гэхдээ зүрх сэтгэл минь маш их шаналаад Тантай ярьж чадахгүй нь. Тэгээд би өөр хэнтэй ч ярих билээ? Би дэлхий дахинд Таны надаар хэлүүлэхийг хүссэнийг хэллээ. Гуйж байна, хэрэв найдвар байсаар байгаа бол тэдэнд тусалж, Бурхан бол цорын ганц хоргодох газар нь, жинхэнэ Их Багш бол гэтлэх цорын ганц шийдэл нь гэдгийг ойлгоход тусалж хайрла. Би яриад байж болно л доо. Гэтэл хэдэн хүн сонсохыг би мэдэхгүй. Эсвэл тэд зүгээр л сонсдоггүй. Хэрэв тэд хардаг юм уу бие махбодын нүдээр юу ч ойлгодоггүй аваас тэдний оюун ухаан, далд ухамсар ямар нэг байдлаар хаагдсан байдаг. Юмс тун энгийн шүү дээ. Хүүхдүүд ч ойлгох зүйлийг олон хүн ойлгодоггүй. Ай, эрхэм Бурхан минь! Заримдаа би энэ дэлхийгээс бас залхах юм.Надад тусалж хайрла, надад өгсөн даалгаврыг биелүүлэх хангалттай хүч чадал хайрлаач хэмээн бүхий л хүндлэлээ өргөн, мэхийн талархаж, наманчилж байна. Би ажлаа хэр сайн хийж байгаагаа мэдэхгүй байна. Хэр сайн хийснээ, эсвэл хийж байгаагаа мэдэхгүй байна. Хэзээ ч хангалттай санагддаггүй. Намайг өршөө, эрхэм Эцэг минь. Өө, би мартаж. Тантай ярилцсаар байгаад үр хүүхдүүдийг Тань, бүх хүүхдийг Тань мартжээ.Дэлхий дээр намайг сонсож байгаа хэн бүхэнд чин үнэнчээр хэлж байна. Сонсож хайрла. Би та нарт худал хэлж зүрхлэхгүй. Учир нь та нарын дотор Бурхан бий, тэгээд Бурхан намайг сонсож байгаа. Үнэндээ Бурхан надаар дамжуулан ярьж байна. Надаар дамжуулаад өгүүлнэ үү хэмээн би Бурханаас хүссэн юм. Яагаад гэвэл би яаж үүнийг илэрхийлэхээ мэдэхгүй. Та нарт хэлсэн бүх зүйл Бурханы Хүчнээс гарч, надаар дамжин ирж байгаа. Энэ бие та нартай ярьдаг юм биш.За. Би та нарт дахин хамгийн сайн сайхныг ерөөе. Улам гэгээрэхийг хүсэн ерөөе. Энэ дэлхийн боол байхаас чөлөөлөгдөхийг хүсье. Сөрөг хүчний муу нөлөөнөөс чөлөөлөгдөөсэй хэмээн хүсэж байна. Бурханыг танин мэдэхийг ерөөе. Энэ бол хамгийн шилдэг нь. Та нарт хүсэж чадах шилдэг зүйл бол энэ. Надад зөвшөөрч, над руу ирэх юм бол миний та нарт тусалж чадах шилдэг тус нь тэр. Бурханыг таньж мэдэхэд тань туслахын тулд би чадах бүхнээ хийх болно. Үнэндээ энэ амархан. Бүх шавь нар маань мэдэж байгаа. Яг л амьсгалж, ярьж, гараа халаасандаа хийдэг шиг, ганц амны цаас сугалж авах шиг амархан зүйл. Бурханыг таньж мэдэх ийм л амархан. Зөв газраа очихгүй байгаад л учир байгаа юм. Та нарыг би байж болох аль зөв газартаа хүрч очоосой гэж хүсэж байна. Та нарт Бурханыг харуулж чадах нэгэн байх аваас та нарын төлөө талархана.Бурханыг олохыг хичээгээрэй. Бурханыг алдаршуул, Бурханд таларх, мөн Бурханыг олохыг хичээ. Эзэн Бурхан минь, биднийг өршөөж, өнөө хэр нь биднийг адисалж, хүүхдүүддээ туслахын тулд миний бие, оршихуй, ариун сүмийг ашиглахыг хичээдэгт Тань баярлалаа. Ийм эрх олгосонд, мөн өдөр бүр надад цутгаж өгдөг тэр бүх Хүчинд Тань талархъя. Баярлалаа, Эрхэм ээ. Баярлалаа, Бүхнийг Чадагч Бурхан минь. Та ч бас бидэнтэй баярлах өдөр аажмаар, эсвэл удахгүй ирэх болтугай. Амен. Би Танд хайртай, бид бүгд Танд хайртай!Photo Caption: Бүхэлдээ Гоо Үзэсгэлэнгээр Гэрэлтэнэ.
