Дэлгэрэнгүй
Татаж авах Docx
Дэлгэрэнгүй уншаарай
Өөр олон лам нар, номлогчид, бусад багш нар интернэт, сонин, телевизээр гарч буй бусад хүмүүсийг илт доромжилж байдаг тул эсрэгээрээ цэвэр ариун, эрүүл саруул, юу ч хайхрахгүй мэт харагддаг хэн нэгнээс зуурч авдаг. Тэгээд тэд цэвэр ариун хүмүүсийн дүрд хувирсан чөтгөрүүдээс хүртэл зуураад авдаг. Тэдэнд тэр этгээдүүд “хэрэгтэй” байдаг учраас зуураад авдаг юм. Яг л усанд живж буй хүн нэг модноос шүүрч аваад, тэрийгээ ойр хавьдаа байгаа бүхнээс илүү гэж бодохтой адил - эдгээр нь бүгд л живүүлэх ус ба хог. Ийм л учиртай.Хүмүүс үнэхээр ядуу – хөөрхий хүмүүс. Мөнгө, санхүүгийн байр суурь талаас нь хэлээгүй юм шүү, зүрх сэтгэлийг нь хэлсэн юм. Тэд маш эмзэг. Би бүгдэд нь зааж сургаж, тэдэнтэй ярилцах боломжгүй. Надад тэд итгэхгүй ч байж мэднэ; эргэж хараад бүр намайг гутаан доромжилж, өөрсдөдөө илүү үйлийн үр тарьж, илүү живж мэднэ. Тиймээс би илүү зүйл ч хийж зүрхэлдэггүй. Үнэхээр хэцүү. Миний байр суурь маш эмзэг. Би тэдэнд тусалмаар байв ч, харанхуй мунхаг уураа надад гарган, өөрсдөдөө илүү үйлийн үр тарьж, улмаар аврахад бүр ч хэцүү болгохоос хэрхэн сэргийлэхээ мэдэхгүй юм.Тэгэхээр үнэхээр, үнэхээр хэцүү, маш хэцүү. Ай даа, үнэхээрийн хэцүү. Би их л нарийнхан олсон дээр алхаж буй. Яг л нэгэн шавж санамсаргүй цонхоор тань юм уу хаалгаар тань гэр рүү тань нисэж орж ирдэг шиг, жишээ нь эрвээхэй нисээд ороод ирдэг шиг. Та нар эрвээхэйг гэмтээхийг хүсдэггүй учраас түүнийг ямар нэг юмаар ч юм уу гараараа барьж аваад суллахыг хүсдэг. Гэвч тэр өөрөөс тань зугтаах гэж хамаг чадлаараа хичээж, өөрийн тань хүрэхээргүй өндөр таазан дээр очиж суудаг. Тэр тохиолдолд заримдаа та нар шат авчран эрвээхэйд хүрэх гэж оролдоно. Гэвч эрвээхэй ахиад л нисээд яваад өгөх юм уу заримдаа эрвээхэйг яаран барих гэснээсээ болж та өөрөө шатнаасаа унаж өөрийгөө гэмтээх тохиолдол гардаг. Ингээд та ахин дахин хичээсээр байдаг. Магадгүй эрвээхэй огт баригдахгүй байсаар байгаад гэрт тань үхэж, та үнэхээрийн ихээр шаналж, харуусдаг ч, та чадах бүхнээ хийсэн. Миний нөхцөл байдал үүнтэй төстэй юм.Ядаж л би шавь нар та нарт хэлж, та нар миний нөхцөлийг ойлгож, яагаад намайг нигүүлсэнгүй байж, илүү олон хүн авардаггүй юм бол, яагаад тэдэнд ийм тийм зүйл хэлдэггүй юм бол гэж буруутгахгүй. Бид хэдийнээ олон арван жил хэлж ирлээ, одоо Суприм Мастер Телевиз байна.Хуурамч их багш нар, сайн муу лам нар гээд би олон зүйл дээр хэлэх ёстойгоосоо илүүг хэлсэн. Үүнээс илүү би яах вэ? Амьтай голтой байсан амьтны үхсэн цуст цогцсыг л орхиж, жаахан ногоо, ургамлын гаралтай уураг ид гэж хэлсэн. Сүүлийн үед бүр 30, 40 жилийн өмнөхтэй харьцуулахад их амар болсон шүү дээ. Хуучин нөхөртэйгөө би амралтаар явдаг байхад бараг л идэх юм олддоггүй байлаа. Заримдаа би зөвхөн шарсан талх, жимсний чанамалтай иддэг байв. Тэгээд л гүйцээ. Өөр идэх юм юу ч олдохгүй. Намайг цагаан хоолтон гэж хэлэхэд тэд ойлгодог ч үгүй байсан, веганы талаар бүр ярилтгүй. Тэгэхээр одоо та нар хамаг чадлаараа хичээ.Та нарын таньж мэддэг хүмүүс дотор зүрх сэтгэл нь хангалттай мэдрэг хүн байвал, магадгүй жаахан яриа өрнүүлж, тэднийг веган бай гээрэй. Зөөлнөөр. Зөөлнөөр маш дипломат байдлаар, тэгвэл тэд өөрт тань бухимдахгүй. Та нарын дайсан болохгүй. Энэ дэлхийн хүмүүст хэлэхэд үнэхээр хэцүү. Хүн бүр харагдаж байгаа шигээ эсвэл ярьж байгаа шигээ ухаантай биш. Үнэхээрийн нэг төрлийн хайрцаглагдчихсан. Та хайрцгийн гадна, харин тэд үгүй байдаг. Тиймээс үнэхээр хэцүү. Өө, Бурхан ивээг.За, лам нарын талаар болон тэд хүмүүсийг Гэртээ харих замд нь сатааруулах гэж хийдэг өөр өөр зүйлсийн талаар нэмж хэдэн юм хэлэх гэсэн юм. Яг л эрт дээр үеийнх шиг, жишээ нь Хятадад өөр өөр муж улсууд хоорондоо дайтаж байсан. Заримдаа дайснууд нь ялахыг хүсэвч үнэхээр хэцүү байдаг учраас аллага үйлдэх маш олон арга бодож олох ёстой болдог. Тиймээс заримдаа тэд нэг хүнээ, улс орныхоо нэг итгэлт тулаанчаа дайсныхаа системд нууцаар оруулдаг, мэдэгдэлгүй оруулдаг, гэхдээ бас ил тодоор оруулж тэрээр дайсныхаа итгэлийг олон ажилладаг. Тагнуул шиг хаа нэгтээ нуугдан явдаггүй, харин ил тод, дайсныхаа итгэлийг олсон тагнуул. Улмаар тэд тухайн хүнийг нүүр нүдгүй зодож, энд тэндээс нь цус гартал нь нүддэг.Тухайн хүн нь магадгүй дайны үед тус улсын өндөр албан тушаалтан ч юм уу байдаг. Гэвч тэд түүнийг зодож нүдээд хөөж гаргана. Бараг л үхтэл нь зоддог. Ингээд тухайн хүн дайсны байршил руу ороод айхтар ихээр гашуудан уйлж буй мэт дүр эсгэдэг. “Тэд надад яаж хандсаныг хар даа. Би чадах бүхнээ хийсэн байтал тэд намайг буруутгалаа. “Танай орныг магтсаны төлөө, танай системийг магтаж, та нарт дайтах ямар ч шалтгаан үгүй, бид бууж өгөх юм уу, энхийг тогтоох ёстой” гэж хэлсний төлөө тэд намайг “ийм тийм” гэж хэлж доромжилсон. Дайсан нь итгэж үнэмших юу л байна, тэр бүхнийг хэлдэг. Тэр нүүр нүдгүй зодуулж, энд тэндгүй цус алдаж буй учраас түүнд итгэхгүй байхын аргагүй.Ном үгүйрэх энэ цөвүүн цагт сөрөг хүч бас үүнтэй адил арга ашиглана. Илүү ховор л доо. Ил тод хүчирхийллийг бодвол ховор, гэхдээ л болсоор буй, таахын аргагүй. Хэрэв мэдэж байвал тун золгүй- далдыг харах хүчтэй бол, далдыг хардаг бол, тэр хүнийг жинхэнэ биш гэдгийг мэддэг бол тун золгүй. Учир нь бусад хүн бүр ирээд таныг тань зодож нүдэх юм уу, интернэтэд үг хэлээр доромжилж, сүрдүүлж эсвэл, гэрийг тань мэддэг бол гэрт тань очиж, амьдралыг тань жинхэнэ там болгоно.Зөн билигтэй зарим хүн муу лам нарыг ялгаж харж чаддаг. Гадаад төрх нь ёс зүйд нийцсэн, хүмүүст амьтан-хүмүүсийн махыг идэж болохгүй гэж хэлдэг ч өөрсдөө юу ч хамаагүй зүйлийг нууцаар ямар ч хяналтгүйгээр иддэг тийм лам нарыг харж чаддаг. Зөн билигтэй хүмүүс зарим лам нарыг сайн аурагүй гэдгийг харж чадна. Тэд далд ертөнц, тэнүүл сүнс, чөтгөрийн бараан ауратай байдаг. Гэхдээ хэрэв тэд үүнийг шүтэн биширдэг дагагчдад нь хэлэх юм бол тэрхүү зөн билигтэн сайхан амьдарч чадахгүй. Өөр газар руу нүүсэн нь дээр болно, эсвэл уучлал гуйхад хүрч, эс тэгвээс зодуурын бай болоход хүрнэ. Сүүлийн үед ийм зүйл зарим газар тохиолдох болж. Энэ бол маш аймшигтай явдал. Иймд өөрсдийгөө сайн хичээгтүн.Та нарыг харж ханддаг Бурханыг алдаршуул, та нарыг хамгаалдаг Будда нарыг алдаршуулан, таларх. Өөрийгөө хамгаалах өөр арга байхгүй бол та нарын чадах зүйл энэ л байна. Нүдээ нээлттэй байлгахыг хичээгтүн. Зүрх сэтгэлдээ ямагт Буддаг, Бурханыг, аливаа Их Багш нарыг тээж яваарай. Амьд сэрүүн Их Багшийг эрж хай. Тэр нь би байх албагүй. Ядаж л сайн улбаатай, өмнөх Их Багш нарт нь итгэж болохуйц, авшиг өгч, Дотоодын Диваажингийн Гэрэл, Аялгууны Аргыг уламжилж чадахуйц Их Багш байх хэрэгтэй. Хэрэв та тэдний шударга эсэхийг харъя гэвэл тэд ядаж дүр эсгэдэггүй, өөрсдийн ашиг сонирхлын үүднээс таныг санхүүгийн болон бие махбодын хувьд хүчирхийлдэггүй зэргээр нь шалгаж болох юм. Энэ бүхнийг би та нарт надтай, миний шавь нартай хамт бай гэсэндээ хэлж байгаа юм биш. Хамт байвал мэдээж би хүндтэйгээр хүлээж авна. Гэхдээ та нар өөр Их Багш нарыг ч хайж олж болно.Харин (дотоодын Диваажингийн) Гэрэл, Аялгууны жинхэнэ Аргыг заадаг, маш өндөр уламжлалыг залгамжилсан илүү найдвартай Их Багш нарыг. Ядаж л тэд үнэнч шударга. Та нар шударга эсэхийг нь харж, шалгаж болно. Явж орохоосоо өмнө тэр хүнээ, Их Багшаа сайтар нягтал. Урсгалаараа яваад орчхож болохгүй. Зүгээр л алдартай болохоор нь яваад очиж болохгүй. Зүгээр л сайн хүн болохоор нь яваад очиж болохгүй. Өөрт тань дотоод ахуй ойлголт өгөн, сэрээж чадаж байгаа эсэхийг өөрөө мэдрэх ёстой, бас танд таатай байх ёстой. Зүгээр л хэн нэгнийг дагах хэрэггүй. Өөрийгөө л дага. Хамгаалж байгаагийнх нь төлөө, жинхэнэ, сайн Их Багш руу замчилж байгаагийнх нь төлөө Бурханыг ямагт алдаршуулаарай. Энэ л шилдэг арга зам. Ямагт чин бишрэлтэй, эгэл даруу байж, Гэрээ, Диваажингийн Гэрээ чин сэтгэлээсээ эгээр. Тэгвэл Бурхан танд тусална.Photo Caption: Инээгээрэй! Бурханы Хайр Биднийг Эрүүл Саруул, Амьд Сэрүүн Болгодог
